#Rabu_Puisi - Sinaring Ratri - Heru Patria -Sastra Indonesia Org

Angslupe srengenge ing wayah sore
Pratanda sumilake awan pepadhang
Luwe kang wis sedina diempet
Ngelak kang wis sedina kajiret
Bakal badar oleh kamardikan

Najan, dudu luwe lan ngelak kang sinelak
Ananging ana kemantapan batin sinegrak
Yen urip ora saderma sinaring ratri
Kang kajinah nglampahi titahing gusti

Mula, pasa bakal dadi candradimuka
Kanggo nglerem sakabahing angkara
Kanti tumataning iman sajeroning jiwa
Mrih prayoga ambeging rasa

Kanti rasa luwe winates sore
Kanti ngelak tan kena ngombe
Mugo tuwuh rasa welas asih
Marang liyan sih uripe kasisih

Duh, gusti mugi ndika paring palila
Sinaring ratri anglampahi pasa
Tinampiha sakabehing amal ibadah
Mrih diri aji tumekaning dina fitrah

Blitar, 8 Mei 2019

Biodata:

Heru Patria adalah penulis asal Blitar yang sudah menekuni dunia literasi sejak masa sekolah. Saat ini sudah 32 buku karyanya yang terbit, baik Indi maupun mayor.

FB: Heru Patria, IG: heru.patria.54, dan WA: 0857 8414 5106